La fanciulla rapita dai pirati

'Nta villi valli e 'nta vuscuna funni
unnè l'amanti mia di ca mi sbriu
la vaiu pi circari e un trovu l'unni
pi lu so amuri lu munnu firriu.

Vaiu a lu mari e c'i addumannu a l'unni
forsi passau di ca l' amanti mia
e l'ecu di luntanu m'arrispunni
ca schiava dili turchi sinni iu.

M'addisiassi la spada 'urlannu
quantu firriassi pi tuttu lu munnu
la me Agatuzza mi murì chist'annu
cu t'affirrau ivi iu mi cunfunnu.

Fu so matruzza lu cori tirannu
la mannau a mari a circari lu munnu
comu ncagghiasti e nun sintisti u bannu
un jiti a mari li turchi ci sunnu.

Affunnu affunnu guardau na galera
poviru amuri miu chi pena forti
fors'è attaccata di mala manera
fors'un cuteddu ci duna la morti.

Sentu un marusu lu cori chi batti
xxxxxxxxxxxxxxxxxxxxxxxxxxx
di li cani ritorna la bannera
ca dunni passa ci passa la morti
di li cani ritorna la bannera
ca dunni passa ci passa la morti.

Questo testo sarà sostituito una volta installato adobe flash player