Colapisci

La genti lu chiamava colapisci
picchì stava 'nò mari comu un pisci
dunni vinia nun lu sapia nessunu
fors'era figghiu di lu Diu Nettunu.
Un jornu a Cola u re fici chiamari
e Cola di lu mari curri e veni:

"O Cola lu me regnu a scannagghiari
supra chi pidamentu si susteni".

Rit.
Colapisci curri e va
"Vaiu e tornu maestà".
Colapisci curri e va
"Vaiu e tornu maestà".

Cussì si etta a mari Colapisci
e sutta l'unni subbitu sparisci
ma pocu dopu chista nuvità
a lu regnanti Colapisci da:

"Maistà li terri vostri
stannu supra tri pilastri
e lu fattu è assai trimendu
unu già si stà rumpennu".

"O destinu meu 'nfelici
chi svintura mi pridici".

Chianci u re:

"Comu aiu a fari
sulu tu mi po aiutari".

Rit.
Colapisci curri e va
"Vaiu e tornu maestà".
Colapisci curri e va
"Vaiu e tornu maestà".

Su passati tanti jorna
colapisci nun ritorna
e l' aspettanu a la marina
lu regnanti e la reggina,
poi si senti la so vuci
di lu mari in superfici:

"Maistà maistà
sugnu ccà sugnu ccà
'nta lu funnu di lu mari
chi nun pozzu cchiù turnari
Vui priati a la Madonna
staju riggennu la culonna
ca sinnò si spezzerà
è la Sicilia sparirà".

Su passati ormai tanti anni
Colapisci è sempri ddà.

Questo testo sarà sostituito una volta installato adobe flash player